للان في سوقنا بعض أصحاب المشاريع بيفكروا إن البراند هو هوية بصرية

الهوية البصرية، اسمها هوية بصرية للعلامة التجارية
معناه مش هيا العلامة التجارية نفسها.

البراند هو مش مشروع تصميم

البراند هو مجموعة قرارات : يوضح كيف هاد البراند رح يشتغل داخلياً، وكيف الناس رح تفهمه أو تاخد انطباع عنه، وليه العميل رح يختاره مع وجود منافسين في السوق.

قصّة مشهورة عندما غيّرت شركة Tropicana تغليفها بهوية مختلفة بمعزل عن عملائها..

والنتيجة هي أنها خسرت حوالي 20% من مبيعاتها خلال شهرين، بسبب تغير الهوية بدون قرار استراتيجي هل يخدم هذا التغيير استراتيجيتنا الداخلية ؟

قبل ما تسأل : كيف رح يبين البراند

اسأل :
مين عملاؤنا بالضبط الي راح نبني البراند بناء على احتياجهم ؟
شو بيحتاجوا فعلاً مننا نقدم لهم لحل مشكلتهم ؟
وين بدنا نوقف في السوق بين المنافسين، لنكون في اتجاه مختلف ؟
شو اللي بيميزنا عن المنافسين والي يخلي العميل يختارنا نحن ؟

السوق والعميل أولاً..

التصميم بدون فهم السوق وعملائه ممكن يكون تصميم مميز فعلاً، بس التصميم لوحده ما بيصنع ميزة تنافسية للبراند.
والبراند ما بينبنى على ذوقك انت ك صاحب مشروع، بينبنى على فهم عميلك : شو بيحتاج، وشو بيحركه، وكيف بياخد قرار الشراء.

إذا الشعار عجبك انت ك صاحب مشروع ، بس ما كان يلبي احتاج عميلك.. فهو شعار، ابقى محتفظ فيه لك ولذوقك.

التصميم أداة

التصميم أداة بتترجم القرارات الاستراتيجية للغة بصرية بيفهمها الناس وبيتذكروها.
مهما كان التصميم ممتاز، ما هيعوّض غياب الرؤية، ولا ضعف القيمة، ولا سوء التموضع.

ابدأ بالاستراتيجية.. وبعدين التصميم.